Arreta ez-presentzialaren plana - Bernart Etxepare IP - Ikasnova

1. IKASLE ETA IRAKASLEENTZAKO HORNIDURA TEKNOLOGIKOA

Gaitasun Digitala Indartzeko planean, Hezkuntza Departamentuak gailu digitalak (Chromebooks) Lehen Hezkuntzako 4., 5. eta 6. mailako ikasle guztiei ahalbidetzea aurreikusten du. Hornidura aurreikusitako epeetan egiten bada (hasiera batean urriaren amaierarako, beranduenik ere), ikasle guztiek izango dituzte lan digitala aurrera eramateko erabilera pertsonaleko gailuak.

Gainera, ikasturteko lehen egunetan, aurrez aurreko bilerak probestuz, tutoreek konektagarritasunari eta datuen eskuragarritasunari buruz galdetegi labur bat luzatuko die familiei  eta ikasleek erabilgarri dituzten gailu eta baliabideen datuak eguneratuko dira, beharrezkoa izatekotan, Departamenduak konexio-bitartekoak eman ditzan.

Gailuak behar bezala erabiltzen ikasten dela bermatzeko, ikasturtea hasi eta lur hartuko dugunean hasiko gara haiekin lanean; helburua ikasleen gaitasun digitala indartzea izanen da; horrekin, etorkizunean konfinamendua gertatuz gero, ikasgelako ikasle guztiak tresna horiek modu egokian erabiltzeko gai direla ziurtatu nahi dugu.

Horretarako, ikastetxeko, Lehen Hezkuntzako lehen mailatik aurrerako ikasle guztiei hezkuntzako posta-kontu ofiziala aktibatuko diegu eta, bide batez, pasahitza ezagutzen dutela bermatuko dugu

Iabizenak@educacion.navarra.es

Garrantzitsua da azpimarratzea familiek, EDUCA bidez, beren seme-alabek egiten duten posta-kontu instituzionalen erabilera zaindu/gainbegiratu dezaketela, eta komenigarria dela gainbegiratze hori.

2. AURREZ AURREKO ESKOLA-JARDUERA ETETEN DENERAKO TUTORETZA-PLANA; ETA IKASLEEN HARRERA.

Martxoko osasun egoera larriak baldintzatuta, aurreko ikasturtean ikastetxea bat batean eta fundamentuzko agurra egin gabe ixteko agindua jaso genuen. Eta hala egin zen.

Ordutik zazpi hilabete luze pasa dira: erdia etxean itxita, konfinatuta. Honek emozionalki eta akademikoki ondorio txar nabarmenak eragin izan ditu kasu askotan Hau kontuan hartuta, ikastetxeak ongizate emozionalarekin lotutako jarduerak programatu ditu lehen eskola-egunetarako, gertatutakoari bide emateko, ikasleei ikasgeletara itzultzeko segurtasuna emango dieten baliabideak eskaintzeko eta bizi dugun osasun-egoeraren aurrean ikuspegi arduratsua baina aldi berean lasaia izateko. Bide horretan, haur eta lehen hezkuntzako tutoretza-planetan, esan bezala, alderdi horiek lantzeko dinamikak jasotzen dira.

Ikasleak poliki ari dira egoera berrira ohitzen, eta ikastetxetik behar duten informazioa luzatzen zaie, erabilera berriak, arau berriak…

Zentzu honetan, familien Kontingentzia plana ezagutzera emateko eta azaltzeko bilerak eginak daude jada (irailak 18a baino lehenago egin ziren, arauak markatu bezala). Kontingentzia planaren kopia bat ere bidali zaie posta elektronikoz. Eta egun, oraindik, bileretan sortu ziren kezkei edo kezka berriei postaz erantzuten ari gatzaizkie.

Egoera berriak, neurri berriak eskatzen ditu, eta hori dela eta, konfinatu ezkero arreta ez presentzialerako tutoretza planak honako esparruak jaso behar dituela uste dugu:

• Konfinamenduan egonez gero, ikasleak ahal duen neurrian aurrera egiteko,tutore eta familiak modu koordinatuan eta elkarrekin lan egitea ezinbesteko dugu. Ikasleen jarraipen akademikoa hezitzaile eta familien zeregin edo ardura izanen da.
• Komunikazio ofiziala posta elektronikoa izango da, telefono bidezko kontaktua gai zehatzetarako utziz. Beti ere ordutegiak errespetatzen saiatuko gara, bestela deskonektatu gabe bizi baikara. Beraz, eskola orduak eskola lanetara bideratuko ditugu, eskolan modu presentzialean genuen ordutegia jarraituz.
• Urtean zehar egin beharreko bilerak, gurasoekin egin beharreko horiek, ahal dela, telefonoz edo telematikoki egingo dira, eta kasuak kasu, ez ohiko bide bezala modu presentzialean agin ahalko dira baldin eta, osasun-egoerak horretarako aukera ematen badu.
• 4. egoerara iritsiz gero, tutorea bere irakasle-taldearen koordinatzailea izango da, eta ikastetxearen, ikasleen eta familien arteko lotura-funtzioa beteko du eta betebehar akademikoaz gain, ikasle bakoitzaren egoera emozionalean eta ongizatean jarriko du arreta.
• Aurreko ikasturtean ez bezala, honakoan, arlo akademikoa ez da errepasora mugatuko eta ikasleek programazioan jasotako gaietan aurrera egiten jarraitu beharko dute.
• Familiek eta ikasleek Orientazio Departamentuko familientzako orientazio eta aholkularitza-zerbitzua izaten jarraituko dute, egoeraren arabera, komunikazio bide bat ala bestea aukeratuko delarik.

3. ESKOLA-JARDUERA PRESENTZIALA ETENGO DENERAKO ARRETA PLANA

Arreta ez presentzialerako planak honako esparruak jasoko ditu:

• Irakaskuntza presentziala izatetik ez-presentziala izatera pasatzeko trantsizio denbora ahalik eta laburrena izanen da. Honela, aldaketak ikasleengan, irakasleengan eta familiengan eragingo dituen ezinegonak, eta eragozpenak ahalik eta txikienak izan daitezen saiatuko gara.
• Ikasturte hasieratik ikasleen autonomia indartzen saiatuko gara, ikasle txikienetik hasita handienera. Gaitasun Informatikoen esparruan, jakin badakigu, mugak aurkituko ditugula, gero eta muga gehiago ikasleak harik eta txikiago izan.
• Irakasleen eta ikasleen zein familien arteko komunikazioa eta lana, koordinatua, arina eta jario handikoa izaten saiatuko gara.
• Eskura dauzkagun gailu teknologiko zein informatikoak, edota teknologikoak ez direnak era ahalik eta modu eraginkorrenean erabiltzen saiatu behar dugu eta baliabideei ahalik eta etekin handiena atera, baldin eta ikasleek ikastetxean edukiko luketen erritmoari gerturatuko zaion erritmo berria edukiko badute.
• Akademikoa bezain garrantzitsua izanen da ikasleen, irakasleen eta familien osasun emozionala zaintzea. Familiei begira haiei euren seme-alaben hezkuntza-lana erraztuko duten jarraibideak ematea ezinbesteko ikusten da.
• Familiekin komunikazioa: Esan bezala, ikastetxeko ordutegian oinarritutako lan plangintza diseinatuko da ikasleentzat. Plangintza astez-astekoa izanen da eta astelehenero, irakasleek dokumentu bat bidaliko diete familiei posta elektronikoz. Dokumentu honetan asteko saioen gaia eta edukia eta egin beharrekoa eta honetarako epeak zehaztuko zaizkie, baita lana egiteko orduan erabili beharko duten baliabidea ere: Drive, Classroom, Gmail…,

Aurreko guztia etxeetara begira egina bada, ikastetxean bertan ere bada zer egin. Hau guztia aurrera eraman ahal izateko ikastetxeko organo guztien koordinazio egokia, elkarlana eta aurrera egiteko gogoa beharko da. Bide honetan, honakoak hartuko dira kontutan:

• Ikasleen lan-ordutegia: Ikasleek ikastetxean duten ordutegi bera izanen dute, Ezinezkoa balitz, ordutegia maila bakoitzari egokituko zaio eta, noski, baita ikasleen autonomia-mailari ere.
• Aurreko ikasturteko egoerak eragindako galera akademikoak direla eta, bidaliko diren lan eta edukiak aldez aurretik Programazio didaktikoetan egokitutako helburu eta eduki berriei lotuta joanen dira, baita ebaluazio-tresna, metodologia eta kalifikazio-irizpideei egokituta ere.
• Tutorearentzat Jarraipen-orria: Bertan, irakasle guztiek astero adieraziko dute zein ikasle ez diren konektatzen ari, ez diren lanak entregatzen ari edo norekin ezin diren harremanetan jarri. Egoera edo kasu horietan tutorea familia horiekin harremanetan jarriko da eta, egoera azalduko duen zentzuzko justifikaziorik ez balego, familiei gogoraraziko zaie haien seme-alabek jarduera akademikoa jarraitzearen ardura dutela.
• Zuzendaritza prozesua gainbegiratzen eta momentuan momentu suertatuko diren zailtasunei erantzun ematen saiatuko da. Departamentutik jasotakoa aztertu eta klaustroari jakinaraziko dio.
• KPB-ak bere horretan jarraituko dute, bai irizpide metodologikoak adosteko bai informazioa pasatzeko plataforma bezala ere. Hauek Meet bitartez eginen dira.
• Ikasturteko Aniztasunaren Arretarako Plana ere eskola-jarduera ez presentzialera egokitu beharko da. Premia bereziak dituzten ikasleak bereziki izan daitezke kaltebera holako egoeratan. Hezkuntza Laguntzarako Unitateko eta Orientazio Departamentuko kideen lana honakoa izanen da:

• Ikasleek PT-ko espezialistekin, AL-arekin, errefortzuko irakasleekin eta hizkuntza ikasteko programekin egiten ari ziren lanean aurrera egin ahal izateko materialak prestatzea.
• Hezkuntza-laguntzako premia espezifikoak dituzten ikasleei laguntza eta euskarria ematea, eskola-helburuak lortu ditzaten.
• HLU-ko asteroko bilerak formatu informatikoan mantentzea.
• Aurrez aurreko balorazio psikopedagogiko guztiak bertan behera geratuko badira ere, ikasle eta familiekiko arreta mantenduko da bai telefonoz bai bideokonferentziaz ere.

4. SAREAN ARITZEKO PLATAFORMA

Sarean aritzeko plataforma desberdinak daude. gurean onlineko lan-plataformak hauen artean, mailaren arabera, honakoak erabiliko ditugu:

• Haur Hezkuntza: Google Meet, Driven asteroko planteamendua eta posta elektronikoa. Symbaloo plataforma erabiliko da (sortzear dago).
• Lehen Hezkuntza 1., 2.: Google Meet, Drive eta posta elektronikoa.
• Lehen Hezkuntza 3., 4., 5. eta 6.: Google Meet, Google Classroom eta Drive.

Classroom-erako irakasle zein ikasleen gaitasuna indartzeko ikasturte hasieran 3. zikloko irakasleek baliabide honen inguruko formazioa eskainiko diete ikasle zein irakasleei. Bestalde, behar izatekotan baliabide honen tutorialetarako estekak bidaliko zaizkie familiei.

5. EGOERA DESBERDINEN GAUZAKETA

• ESKENATOKIAK:

Lanean jarduteko ondoko taulan zehazten diren hiru eszenatokiak aurreikusi dira.

• ARRETA EZ PRESENTZIALERAKO TALDEKATZEAK:

Ikasleen adin desberdinei dagozkien ezaugarri eta beharretara moldatu asmoz, ikastetxean, arreta ez presentziala aurrera eramateko bi sistema erabiliko dira,. Honenbestez, ikasleria bi talde multzo nagusitan banatu da.

Zergatik bi talde hauek?

Uste dugu, 3. maila arteko ikasleek lan telematiko aurrera eramateko autonomia gutxiago izanen dutela. Lan honek adin horretako ikasleek garatu gabe dituzten trebetasun jakin batzuk behar ditu, eta 3. mailatik aurreragoko ikasleak, berriz, gaitasun handiagoa dute lan mota hau autonomia handiagoarekin aurrera eraman ahal izateko-

Hau horrela ulertuta 3. mailatik gorako ikasleei haien lana burutu eta bidaltzearen ardura emanen diegu. HHtik 3. maila artekoen kasuan, berriz, gurasoek haien seme-alabek lan horiek egin dituztela ziurtatu eta egindako hori irakasleei helarazteaz arduratzea eskatuko zaie. Behin jasotakoan, irakasleek eginen dituzte TRESNAK

1. taldeak erabiliko duen teknologi tresna DRIVE izango da.

DRIVE baliabide aproposa da Haur Hezkuntza eta Lehen Hezkuntza lehenengo 3 mailetarako, irakasleei lanak bidaltzeko aukera emateaz gain, ikasle eta familientzat sarbidea erraza delako.

2.ak, aldiz, CLASSROOM. Maila hauetan, egin beharrekoak Classroomen bidez helaraziko da, plataforma honen bidez irakasleek lana bidaltzeaz gain, modu erraz batez ikasleen erantzunak jaso, ebaluatu eta feedbacka bidali dezaketelako. Gainera, informazio guztia toki berean egotea lortzen da; emaila, online karpetak, ikasgela birtualak, youtube, galdetegiak eta bestelako aukerak erabiltzen irakatsiz.

Ikasleen prestakuntza eta formakuntzarako aberasgarria da Googleko tresna horiek erabiltzen ikastea, etorkizunean erabilgarriak izango baitzaizkie (DBHn, etorkizuneko beste ikasketa batzuetan, etorkizun batean eduki dezaketen balizko lanerako tresna moduan...). Baliabide horien guztien erabilera azaltzeko irakasleentzat formakuntza saioak antolatu dira. Formakuntza hau barne baliabideekin eginen da, hots, plataforma ezagutzen duten irakasleek ezagutzen ez dutenei azalduko diete.

Bestalde, Departamentutik derrigor egin beharreko PANP formakuntza planak ere bide hau jarraitzen du, eta erabili ahalko ditugun plataforma edo tresna desberdinen inguruko formazioa eta informazioa eman digu.

• HAUR HEZKUNTZA ETA LEHEN HEZKUNTZAKO 1., 2. ETA 3. MAILAK

DRIVE BIDEZKO ANTOLAKUNTZA

DRIVEan egonen diren karpetak hauek izanen dira: (HHn ez dira erabiliko)

• Agenda karpeta: Atal hau 2. eta 3. eszenatokian erabiliko dugu.
• Familiak karpeta: Atal hau 2. eta 3. eszenatokian soilik erabiltzeko da.

Telelana egin behar izatekotan, atal honetan familiek informazioa aurkituko dute. Bi azpi atal daude.

• Informazioa: Informazio anitzak jartzeko tokia.
• Zuzenketak: Ariketen zuzenketak PDF formatoan igoko dira familiek zuzenketak ikusi ahal izateko.

• Ikasleak/lanak karpeta

• Hiruhilabetearen karpeta.
• Asteko karpeta: Lanak asteka antolatzeko.

Ikasgai bakoitzak bere karpeta propioa izango du. Bertan ikasgai bakoitzaren baliabideak (Power Pointak, dokumentuak, irakurgaiak...) jarriko ditugu. Lehenengo eszenatokian (eskolan) egonda ere, atal hau erabili daiteke. Gelan lantzen ditugun baliabideak hemen jarri daitezke ikasleek arratsaldean etxean errepasatu ahal izateko

OHARRA: Egoera desberdinen ezaugarriei begira, eta egoerek hala ahalbidetuko dutenean, ikusita, familiek fitxa desberdinak inprimatzeko zailtasunak eduki ditzaketela, fitxa hauek ikastetxean bertan modu fisikoan hartzeko aukera emanen zaie, Beti ere ikastetxera etorrera txandaka eta beharrezko izanen diren segurtasun neurriak mantenduz.

IKASLE ETA FAMILIEKIN HARREMANA

Haur hezkuntzako ikasleekin:

Konfinatu eta hurrengo egunean korreo bat bidaliko zaie egoeraz galdetuz, itxialdian aurrera eramanen den funtzionamenduaz informatuz eta haiekin hurrengo egunean egingo den Meetaren estekarekin.

Hurrengo egunean Meet bat egingo da bai gurasoekin bai ikasleekin ere eta hau ikasleekin astean hirutan mantenduko da.

Eguneroko kontua bada ere, ostiraletako deiak emozioei eta ikasleak nola sentitzen diren jakiteari eta konpartitzeari eskainiko zaizkio nagusiki.

Lehen hezkuntzako 1., 2. eta 3. Mailako ikasleekin:

Konfinatu eta hurrengo egunean korreo bat bidaliko zaie egoeraz galdetuz, itxialdian aurrera eramanen den funtzionamenduaz informatuz eta haiekin hurrengo egunean egingo den Meetaren estekarekin.

Hurrengo egunean Meet bat egingo da bai gurasoekin bai ikasleekin ere eta hau ikasleekin egunero mantenduko da.

Eguneroko kontua bada ere, ostiraletako deiak emozioei eta ikasleak nola sentitzen diren jakiteari eta konpartitzeari eskainiko zaizkio nagusiki.

Hirugarren egoeran egonda, honako bilerak egingo dira:

Tutorea eta PT irakasleek: egunero bilera bat egun horretako proposamenak azaltzeko eta aurreko eguneko zalantzak argitzeko.

Ingelesa irakasleak: hurrengo 10 egunetan bi bilera egin beharko ditu gutxienez.

Musika eta gorputz hezkuntza irakasleek: hurrengo 10 egunetan bilera bat egin beharko dute gutxienez, bakoitzak egun batean.

Familiekin:

Familiarekin kontaktua mantentzeko Gmaila erabiliko dugu eta Meet bidezko bilerak.

Egoera larrienean, hiruhileko bakoitzean, gutxienez bideo-dei edo telefono dei bat egin beharko da familia bakoitzarekin, haien inpresioak, zalantzak, kezkak eta beharrak lehen eskutik ezagutzeko.

Telefono deia zenbaki partikular batetik egiteko #31# sakatu telefono zenbakia idatzi aurretik, eta modu ezkutuan deitu ahalko eginen da deia. Aurretik komeni da familiei modu honetan deituko dugula argitzea, bestela, agian ez baitute telefonoa hartuko.

Horrez gain, gurasoekin komunikazioa email bidezkoa izango da.

• LEHEN HEZKUNTZAKO 4.,5. ETA 6. MAILAK.