NEGUKO SOLSTIZIOA 2022

2023/03/21

Ikasturte honetan abenduko azken eskola egunean ikastetxean egiten zen ospakizunaren formatua aldatu eta Olentzero ospatzetik “Neguko Solstizioa” ospatzera pasa gara.

Neguko solstizioan  gure arbasoek abenduaren 24eko gauean enbor handi berezi bat erretzen zuten etxeko tximinian. Subilaro, Olentzero edo Eguberri enborra deitu izan zaio eta orain dela oso gutxi arte oso zabalduta izan den ohitura dugu. Oraindik ere, zenbait etxetan egin egiten dute. Errito hau eguzkiaren jaiotza ospatzeko egiten zuten, edo beste modu batez esanda, eguzki jaioberriaren ohorez.

Gurean, Olentzero eta Mari Domingi pertsonaiei bizkarra eman gabe, ospakizunari kutsu berri bat eman nahi izan diogu, jatorrizkoa zen ohituratik gertuago dagoena.

Esperientzia polita izan da, hurrengo urteetan ere ukitu berriak emanez aurrera eramanen dena.